fbpx
Vryheidsfront Plus

VF Plus veroordeel jongste moord op bejaarde vrou van Paul Roux

Die VF Plus veroordeel die jongste moord van 'n bejaarde vrou (78) in Paul Roux.

Die oorledene is gister in die vroeë oggendure in haar huis in `n aftreeoord aangerand en gemartel, met ‘n mes gesteek en vir dood agtergelaat.

Die identiteit van die oorledene is bekend, maar weens die sensitiewe aard en uit respek vir die familie word dit weerhou.

Die mes waarmee die bejaarde gesteek is, is onder haar bewustelose liggaam gevind.

Sy het later in die hospitaal aan haar wonde beswyk.

Die VF Plus verwelkom die feit dat ‘n verdagte intussen in hegtenis geneem is, maar die feit dat 'n bejaarde persoon so wreed in ‘n aftreeoord tussen ander bejaardes vermoor is, is ‘n bewys dat misdadigers nie afgeskrik word deur die polisie of die regstelsel nie.

Hierdie voorval bevestig die VF Plus se standpunt dat die huidige strafmaatreëls nie as afskrikmiddel vir misdadigers dien nie.

Die VF Plus pleit vir beter polisiëring en swaarder strawwe.

Die VF Plus sal aanhou om druk op die regering te plaas om aandag te skenk aan hierdie soort misdaad om verdere onnodige bloedvergieting te voorkom.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.