fbpx
Vryheidsfront Plus

VF Plus-raadslid se gesin gedreig oor koalisie teen ANC

Mnr. Franco de Lange, VF Plus-raadslid vir Johannesburg, is vandag kort voor die metro se eerste raadsvergadering gedreig dat sy vrou en kind sal ‘verdwyn’ indien hy saam met die opposisie teen die ANC stem.

Volgens mnr. De Lange het hy omstreeks tienuur vanoggend ‘n anonieme sms-boodskap ontvang waarin hy gedreig is om nie in ‘n koalisieregering betrokke te raak nie.

Hy sê hy was geskok en neem die dreigement ernstig op, maar hy sal hom nie laat intimideer nie.

“Die VF Plus het ‘n leidende rol om te speel in die verandering en verbetering van die Johannesburgse metroraad en ons sal ons nie laat stuit deur enigiemand of enige party nie.

“Ons het ander opposisiepartye dadelik van die dreigement in kennis gestel en het ‘n klag by die polisie ingedien.

“Die VF Plus speel reeds ‘n belangrike rol in verskeie munisipaliteite en in Tshwane se metroraad en sien uit na die nuwe bedeling in plaaslike bestuur en sal hom nie steur aan sulke dreigemente nie. Dit is bewys deurdat ons nou ook met ander minderheidspartye ‘n koalisieregering in Johannesburg gevorm het,” sê mnr. De Lange.

 

Adv. Anton Alberts

VF Plus-leier: Gauteng

082 391 3117

 

Raadslid Franco de Lange

082 358 3882

 

 

 

 

 

 

DEEL DIT:

jongste artikels

Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.