Ten spyte daarvan dat die Ekurhuleni-metro ʼn sekuriteitsmaatskappy aangestel het om infrastruktuur te beskerm, het kabeldiewe vroeg Woensdagoggend (2 Julie) kragkabels naby die Van Eck-substasie in Brakpan gesteel.
Inwoners was weer vir ʼn paar uur sonder krag weens die diefstal.
Die VF Plus het na afloop van die diefstal lede van die Brakpan-gemeenskapspolisiëringsforum en AfriForum-lede gevra om die gebied te patrolleer om verdere voorvalle te voorkom.
In die afgelope vier weke is verskeie verdagtes in die gebied vir kabeldiefstal in hegtenis geneem.
Die party het die Ekurhuleni-metro versoek om sy veiligheid rondom infrastruktuur te verskerp omdat die metro reeds finansieel sukkel om infrastruktuur te herstel en te vervang.
Die VF Plus het ook die metro aangeraai om die oorgangsfase met die aanstel van nuwe sekuriteitsmaatskappye te verbeter ten einde tekortkominge te voorkom wat die gemeenskap kwesbaar laat.
;
