fbpx
Vryheidsfront Plus

Droewige Kersfees wag op amptenare van Emfuleni ná bankrekening tweede keer gevries word

‘n Droewige Kersfees staar munisipale amptenare en raadslede van die Emfuleni-plaaslike munisipaliteit in die gesig weens die munisipaliteit se versuim om sy water- en kragrekening te betaal.

Die munisipaliteit is vir ‘n tweede keer binne etlike dae hof toe gesleep vir ‘n beslagleggingsbevel op die munisipaliteit se primêre bankrekening.

Emfuleni bedien Evaton, Sebokeng, Vaal Oewer, Vanderbijlpark en Vereeniging.

Randwater se beslagleggingsbevel is Maandag goedgekeur weens die munisipaliteit se uitstaande skuld van R1,1 miljard.

Daarbenewens het Eskom verlede week ‘n hofbevel bekom om Emfuleni se bankrekening te laat bevries weens uitstaande skuld van R1,3 miljard.

Hierdie is slegs die begin van Emfuleni se probleme omdat ander krediteure waarskynlik binnekort dieselde roete gaan volg as Randwater en Eskom.

Buiten dat Emfuleni geen salarisse sal kan betaal nie, sal geen betalings ook aan debiteure gemaak kan word nie.

Vir inwoners beteken hierdie beslagleggings dat reeds gebrekkige dienslewering nou totaal tot stilstand knars.

Inwoners en veral getroue belastingbetalers word nou gestraf vir die ANC se wanadministrasie en onvermoë om Emfuleni effektief te bestuur.

Emfuleni verdien beter as die ANC.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.