fbpx
Vryheidsfront Plus

ANC stop alle betalings van Mogale City

Oproepe wat van benoud na woedend wissel stroom in nadat die munisipale bestuurder, sonder verduideliking, alle betalings van Mogale City/Krugersdorp gestop het, sê Amanda De Lange, raadslid van die Vryheidsfront Plus en Voorsitter van MORK (Munisipale Openbare Rekeningekomitee).

"Ek ontvang oproepe van amptenare, diensleweraars sowel as die publiek wat wil weet wat aangaan met die betalings" sê sy.

"Dit blyk dat mnr. Maanda Raedani, die munisipale bestuurder, per e-pos opdrag gegee het dat slegs betalings wat deur die LUR vir plaaslike regering, mnr. Paul Mashatile, goedgekeur is, uitbetaal mag word.

“Mnr. Raedani was ook nie beskikbaar vir die raadsvergadering Vrydag waartydens hulle die veranderde begroting wou goedkeur nie. Dit is hoogs ongerymd.

“Hy het blykbaar uit sy eie 'n plaasvervanger aangestel sonder die raad se goedkeuring en om kole op die vuur te hoop, was mnr Dumisani, wat die onwettige burgemeestersverkiesing gefasiliteer het, aangewys om vir Raedani in te staan.

“Die opdrag om alle betalings te staak is lynreg teen die munisipale wette en daar heers groot kommer oor die arrogansie waarmee senior ANC-amptenare steeds met raadsbesluite en die finansies van die stadsraad te werk gaan.

“Daar is geen wetlike rede waarom betalings summier gestop moes word nie en die sinspeling skep die indruk by werknemers dat daar ook geen salarisse einde van Julie betaal gaan word nie. Dit is uiters onverantwoordelik om werkers aan so moontlikheid bloot te stel en die optrede kan moontlike stakings tot gevolg hê onder die ANC se beheer,” het De Lange gesê.

Volgens De Lange het die nuwe burgemeester, Patrick Lepudi, en sy burgemeesterskomitee binne twee dae na sy verkiesing drastiese veranderinge aan die 2017/18 begroting asook die geïntegreerde ontwikkelingsplan wat nog goedgekeur moes word, aangebring. Daar is meer as tweehonderd miljoen rand by die begroting gevoeg vir uitgawes wat nie haalbaar is nie.

Die meer as tweehonderd miljoen rand lenings is bo-en-behalwe huidige lenings wat reeds 'n enorme probleem is om terugbetaal te word. Tot dusver is Eskom ook nie betaal nie en daar is reeds sprake van aksie van hulle kant af. Dit is onduidelik of Rand Water al betaal is.

Volgens De Lange is die ANC op alle vlakke besig om Suid-Afrika in finansiële krisisse te dompel met hulle waansinnige lenery om dienste aan die publiek op skuld te verskaf.

“Ons gaan vir jare nie weer hieruit kom of enige kredietwaardigheid terugkry nie,” het De Lange bygevoeg.

 

Kontaknommer: 071 604 9498

DEEL DIT:

jongste artikels

Mediaverklarings
Armand Cloete

Premier moet ingryp by Matjhabeng-waterkrisis

Die VF Plus eis dat die Vrystaatse premier, Mxolisi Dukwana, moet ingryp by die voortslepende waterkrisis in die Matjhabeng-plaaslike munisipaliteit (Allanridge, Hennenman, Odendaalsrus, Ventersburg, Virginia,

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.