fbpx
Vryheidsfront Plus

VF Plus verwerp minister se plan om Vanderkloofdam Mandela-dam te noem

Die regering se plan om die Vanderkloofdam na oud-president Nelson Mandela te vernoem, sal aktief deur die VF Plus teengestaan word.

"Dit is niks minder nie as diefstal van die geskiedenis," sê dr Wynand Bshoff, VF Plus-leier in die Noord-Kaap.

Dié dam, die tweede grootste in Suid-Afrika, is eers na die destydse minister van waterwese, PK le Roux, vernoem.

Boshoff sê dit was nie 'n ydele verering nie, maar erkenning vir Le Roux se reuse werk om die verbeeldingryke Oranjerivier-besproeiingskema ‘n werklikheid te maak.

"Dit kan sonder vrees vir teenspraak gesê word dat die vernietigende droogtes van die afgelope paar jaar 'n veel groter impak sou gehad het, as versiende leiers nie reeds in die jare sestig met hierdie skema begin het nie.

"Die grootste dam in die skema en in Suid-Afrika, is destyds na HF Verwoerd genoem, omdat hy die dryfkrag agter hierdie grootse onderneming was. Die Verwoerddam is destyds deur 'n buitelandse konsortium gebou, aangesien die kundigheid vir so 'n reuse onderneming nie in Suid-Afrika beskikbaar was nie.

"Een van die kontrakvoorwaardes was dat Suid-Afrikaners in die proses opgelei moes word. Dit het daartoe gelei dat die departement van waterwese self die bou van die PK le Rouxdam kon onderneem. Talle ander projekte kon daarop volg.

"Toe die twee damme kort na die oorgang van 1994 neutrale name, naamlik die Gariepdam en die Vanderkloofdam ontvang het, het die Vryheidsfront dit as deel van 'n vreedsame skikking aanvaar.

"Dit is eintlik lagwekkend dat daar geen vergelykbare projek sedert 1994 onderneem is, om na oud-president Mandela te vernoem nie. Die VF Plus sal hierdie vernoeming aktief teenstaan," sê Boshoff.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.