fbpx
Vryheidsfront Plus

VF Plus sal Lesufi aankla vir minagting van die Grondwet

Die VF Plus gaan die LUR van onderwys in Gauteng, Panyaza Lesufi, by die integriteitskommissaris van die Gautengse wetgewer aankla.

Lesufi het Donderdag tydens die aankondiging van die registrasiestelsel vir graag 1 en graad 8 leerlinge in Gauteng, verskeie wenkbroue laat lig met sy aankondiging dat taalbeleid van skole in die provinsie geen rol in die aansoekproses sal speel nie.

Volgens Lesufi moet ouers aansoek doen by die naaste skool aan hul huis of werk en dat dit nie saak maak wat die taalbeleid van die skool is nie.

"Lesufi dek weer die tafel vir openbare geweld by skole en hy besig om moedertaalonderrig uit skole te forseer," sê Philip van Staden, VF Plus-lid van die Gautengse wetgewer.

Van Staden sê Lesufi se aankondiging sal tot algehele chaos en wanorde lei en kinders gaan in die middel van openbare geweld staan.

"Lesufi is besig om onskuldige kinders te gebruik as ‘n politieke speelbal en hy moet gestop word. Deur hierdie aksie pleeg hy nie net ‘n gruwelike daad teen Afrikaans nie, maar alle amptelike landstale van Suid-Afrika," sê Van Staden.

Lesufi sal aangekla word in terme van Artikel 135 van die Grondwet, gelees saam met Bylae 2 artikel 5.

Ingevolge die artikel word elke Premier of LUR ingesweer as lid van ‘n wetgewer met dien verstande dat lede van die Uitvoerende Raad van ‘n provinsie, voordat hulle begin om hul funksies te verrig, ooreenkomstig Bylae 2 ‘n eed of plegtige verklaring van getrouheid aan die Republiek en gehoorsaamheid aan die Grondwet moet aflê.

Van Staden sê Lesufi het reeds die artikel van die grondwet oortree deur Artikel 29 van die Grondwet te minag. 

"Laasgenoemde artikel stel dit duidelik dat elkeen die reg het om in openbare onderwysinstellings onderwys te ontvang in die amptelike taal of taal van eie keuse waar daardie onderwys redelikerwys doenlik is. Lesufi het ook die gedragskode van ampsbekleërs in die Gautengse wetgewer oortree.  Die VF Plus wil dit duidelik stel dat LUR Lesufi se dae getel is en hy behoorlik vasgevat moet word," sê Van Staden.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.