fbpx
Vryheidsfront Plus

VF Plus in Gauteng versoek departement van infrastruktuur-ontwikkeling om te sorg dat alle skoolstrukture veilig is

Die VF Plus gaan die departement van infrastruktuur-ontwikkeling in Gauteng versoek om dringend strukturele ingenieurs na alle skole in Gauteng te stuur om vas te stel of skoolgeboue veilig is.

"Die VF Plus wil toesien dat alles moontlik gedoen word om seker te maak dat geen skool en gemeenskap die hartseer en trauma moet ervaar soos wat tans by die Hoërskool Driehoek in Vanderbijlpark afspeel nie," sê Philip van Staden, VF Plus-LPW in Gauteng.

"Die departement van infrastruktuur-ontwikkeling moet eerste aandag gee aan skoolgeboue wat op dieselfde ontwerpersplan as die van Hoërskool Driehoek gebou is.

"Die oorsaak van die loopbrug-ineenstorting is nog nie bekend nie. Intussen kan daar egter nie toegelaat word dat 'n enkele leerling sy lewe verloor weens swak konstruksie nie," sê Van Staden.

Die VF Plus het vandag die skool besoek en met die skoolhoof, Hein Knoetze, en ander belanghebbendes vergader en hulp aangebied. Die VF Plus se jeugleier, mnr. Jean Kriek en parlementêre lid, adv. Anton Alberts, was ook teenwoordig.

Die VF Plus gaan die departement van onderwys en infrastruktuur-ontwikkeling versoek om nie toe te laat dat die Hoërskool Driehoek se skoolgebou gebruik word alvorens dit deur strukturele ingenieurs veilig verklaar is nie.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.