fbpx
Vryheidsfront Plus

VF Plus wens Transnet-pensioenarisse en regspan geluk met finalisering en skikking van hofsaak

Die VF Plus wens die Transnet-pensioenarisse en die regspan geluk met die finalisering van die negejaar-lange hofsaak teen Transnet. Die Noord-Gautengse hooggeregshof het vandag die skikking finaal tot ‘n hofbevel verklaar. Die hofbevel berei nou die implementering van die skikking voor wat die finansiële status van die pensioenarisse sal verbeter. Die VF Plus spreek ook sy besondere dank uit aan die regspan bestaande uit Wynanda Coetzee (prokureur) en advokate Jaap Cilliers, Wim Trengove Leon Kellerman.

Hierdie was ‘n lang en moeisame stryd. Dit is natuurlik jammer dat die hofsaak so lank uitgerek was deur Transnet onder die Zuma-bedeling. Dit het veroorsaak dat baie pensioenarisse ongelukkig afgesterf het en nie kan deel in vandag se oorwinning nie. Nogtans is die VF Plus dankbaar dat die wenstreep bereik is. In daardie opsig is die pensioenarisse wat nie meer met ons is nie, pioniers wat ‘n pad oopgekap het vir dié wat vandag saam die oorwinning kan vier.

Die VF Plus het deur adv. Anton Alberts as LP ‘n politieke rol gespeel deur die saak deurlopend in die parlement aan te spreek wat uiteindelik gelei het tot talle gesprekke met minister Pravin Gordhan wat uiteindelik beveel het dat ‘n skikking ondersoek moet word. Op hierdie wyse is die tafel gedek wat uiteindelik gelei het tot die geleentheid vir die regspan om ‘n skikking te onderhandel.

Die VF Plus is dankbaar vir die finalisering van die saak en sal voortgaan om oorsig te doen om te sorg dat die skikking na behore uitgevoer word en dat oorsig oor die bestuur van die pensioenfondse verskerp word.

Navrae: 082 391 3117

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.