fbpx
Vryheidsfront Plus

VF Plus vra Gautengse polisiekommissaris om verslag te lewer oor verlore bewysstukke

Die VF Plus het die Gauteng polisiekommissaris, lt.genl. Elias Mawela, gevra om verslag te lewer oor die diefstal en verlies van bewysstukke uit die 13-pakkamers by polisiekantore in dié provinsie.

Die party het die verslag aangevra na aanleiding van verskeie klagtes dat bewysstukke verkoop of gesteel word of net verdwyn uit dié pakkamers.

Sake waarvan die bewysstukke verdwyn, word selde suksesvol afgehandel wat beteken dat vermeende misdadigers skotvry daarvan afkom.

Die VF Plus is oortuig daarvan dat die ouditproses van die 13-pakkamers gebrekkig is weens die swak werksetiek van senior offisiere en stasiebevelvoerders.

Wanneer ‘n vuurwapen, wat ‘n bewysstuk in ‘n misdaad is, uit ‘n pakkamer verdwyn, is die kanse groot dat so vuurwapen weer in ‘n misdaad gebruik kan word.

Die VF Plus sal die verslag noukeurig bestudeer en self ook ‘n ondersoek uitvoer om die erns van die saak te bepaal.

Die beheer van bewysstukke is belangrik om beweerde misdadigers suksesvol te vervolg en te voorkom dat vuurwapens in die verkeerde hande beland.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.