fbpx
Vryheidsfront Plus

VF Plus-Limpopo versoek provinsiale polisiekommissaris om te fokus op plaasaanval-ondersoek

Die mees onlangse plaasaanval in die Matjiesfontein-omgewing in Limpopo, ‘n gebied waar daar lanklaas sulke voorvalle plaasgevind het, is skokkend en onaanvaarbaar.

Plaasaanvalle is duidelik nie aan die afneem nie en word nie met genoegsame erns deur die owerhede benader nie. Dit is ‘n reuse probleem wat dringend aandag verg.

Boere en plaaswerkers is kwesbare teikens omdat hulle in afsondering woon en die polisie gaan gebuk onder ‘n reuse vaardigheids- en hulpbron-tekort. Dit is ‘n bose kringloop waaruit aanvallers en booswigte voordeel put.

Die Cross-egpaar wat gedurende die aanval Dinsdagaand beseer is, sterk aan in die Mediclinic Thabazimbi en hul uiterlike letsels sal genees, maar die skok en trauma wat met so ‘n aanval gepaard gaan, sal nie so maklik genees nie.

Die VF Plus het in ‘n dringende skrywe die provinsiale polisiekommissaris versoek om toe te sien dat alle moontlike hulpbronne ingespan word om die aanvallers vas te trek. ‘n Sterk boodskap moet gestuur word dat sulke misdade onder geen omstandighede geduld sal word nie.

Samewerking tussen die gemeenskap en polisie is uiters belangrik en moet ook bevorder word.

Die VF Plus beywer hom vir die veiligheid van ons land se landbouers en doen ‘n beroep op hulle om te alle tye paraat te wees en alle moontlike veiligheidsmaatreëls te tref.

Kontaknommer: 078 617 8682

 

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.