Provinsies genereer min eie inkomste en is te afhanklik van die Nasionale Tesourie, sê mnr. Jaco Mulder, VF Plus-LPW vir Gauteng.
Mulder het in reaksie op die begrotingsdebat van LUR Mandla Nkomfe in die Gautengse Wetgewer, gesê dat slegs 5% (R4.2 miljard) van die provinsie se inkomste wat meer as R85 miljard rand beloop, deur die provinsie self genereerword.
“Gauteng het in 2012 ‘n 36% bydrae tot die Bruto Binnelandse Produk van Suid-Afrika gelewer met sowat 25% van die land se bevolking. Die drie Gautengse metrorade dra in totaal 92,7% tot die provinsie se BBP by. Die beleërde e-tolstelsel gaan verder die inflasiesyfer van Gauteng en Suid-Afrika in geheel noodwendig negatief beïnvloed,” sê Mulder.
Meer mag en besluitnemingsmag moet afgewentel word na provinsies en gemeenskappe en lokale ekonomieë moet gestimuleer word. Die regering se beleid van sentralisme gaan oor politieke mag en is nie volhoubaar.
Kontaknommer: 082 466 3786
;
