Ná maande se volgehoue druk in die portefeuljekomitee vir sosiale- en gemeenskapsdienste kan die Modimolle-Mookgophong-plaaslike munisipaliteit nou spog met drie nuwe vullistrokke danksy die VF Plus.
Die party het toegesien dat fondse vanaf die munisipale infrastruktuur-toekenning geskuif word om die aanskaffing van die trokke moontlik te maak.
Gebiede soos Nylstroom, Alma, Vaalwater en Naboomspruit het tot dusver gebuk gegaan onder vullisverwyderingskwessies en die nuwe trokke is ’n welkome verligting vir inwoners van dié dorpe.
Die VF Plus sal die regulering en instandhouding van die vullistrokke monitor.
;
