Die VF Plus doen ʼn beroep op inwoners van die Ekurhuleni-metro om die aanvullende waardasierol vir 2021-25 dringend na te gaan.
Die aanvullende waardasierol is tans beskikbaar vir inwoners se kommentaar.
Die voorafgaande hoogs omstrede waardasieproses het gelei tot duisende besware wat in ʼn administratiewe nagmerrie vir die metro en sy inwoners ontaard het.
Sommige kwessies is steeds uitstaande.
Dit is daarom van kritieke belang vir elke eiendomseienaar in Ekurhuleni om te verseker dat hulle nie die geleentheid misloop om appèl aan te teken teen eiendomswaardasies wat buitensporig is nie. Enige eiendomseienaar kan ʼn beswaar by die metro indien.
Eiendomseienaars het slegs twee weke oor tot en met Maandag 31 Julie 2023 om beswaar aan te teken indien hulle nie saamstem met enige eiendomswaardasie nie.
Die beswaar-vorms is ook op die metro se webtuiste beskikbaar by https://www.ekurhuleni.gov.za/for-me/forms/valuation-objection -forms/
;
