fbpx
Vryheidsfront Plus

Aanval op perde weersinwekkend

Die voorval vanoggend waar ‘n perd doodgekap en talle ander perde beseer is deur ontevrede werkers by die Fairview-renbaan in Port Elizabeth, is onverstaanbaar, onverskoonbaar en weersinwekkend.

In die media is bewerings dat die afdanking van ‘n werknemer tot die voorval aanleiding gegee het. Die VF Plus het verneem dat ‘n geskil oor ‘n uitbetaling van die werkloosheidsversekeringsfonds (WVF) die onmin veroorsaak het.

Hierdie is ‘n voorbeeld van die onaanvaarbare en skokkende vlakke van geweld wat met misdaad gepaard gaan en wat aan die orde van die dag is in Suid-Afrika.

Hierdie haas onverklaarbare geweld en brutaliteit word gereeld gesien met plaasmoorde. Verlede week was landwye geweld en kragdadige optrede die EFF se wyse om hul ontevredenheid oor ‘n sjampoe-advertensie te lug.

In hierdie geval wil dit voorkom of die ongelukkig in werklikheid ontstaan het deur WVF-betalings of nie-betaling waaroor die werkgewer en eienaar van die perde geen beheer het nie en wat eindelik deur die nasionale staat van inperking veroorsaak is.

In stede daarvan om hul ontevredenheid teenoor die ANC se onbevoegdheid te lug, is perde aangeval en vermink. Die VF Plus veroordeel die voorval ten sterkste.

Navrae: 072 428 6103

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.