fbpx
Vryheidsfront Plus

Watersekerheid word deur ANC se politieke voorkeure bedreig

Daar steek groot waarheid daarin dat toekomstige oorloë nie oor grond gevoer sal word nie, maar oor water. Die VF Plus sien daarom ook die departement van water en sanitasie as die belangrikste departement van die regering.

"Tog is die regering bereid om watersekerheid in die waterskaars Suid-Afrika in die gedrang bring weens politieke voorkeure," het dr. Pieter Groenewald, VF Plus-leier Dinsdag tydens die parlementêre begrotingsdebat  van die departement van water en sanitasie gesê.

Groenewald het gesê Israel is die wêreld se voorste kundige op die gebied van ontsouting.

"Hulle was in Suid-Afrika om hul kundigheid aan te bied, maar weens politieke oortuigings is dit van die hand gewys.

"Politiek moet ondergeskik gestel word aan die waterbehoeftes van Suid-Afrika se mense.

"Wat doen die departement om seker te maak dat die kosbaarste bron van lewe bewaar word? Indien gekyk word na die slikdam by Khuma in die Matlosana-munisipaliteit (Hartbeesfontein, Klerksdorp, Orkney, Stilfontein), is die antwoord duidelik dat nie veel gedoen word nie.

"Dié reuse-slikdam het nou al twee keer direk in die Vaalrivier gestort. Op Google kan ‘n mens sien dat die stroom slik gelykstaande is aan die Koekemoerspruit se inloop in die Vaaldam. Dit is bokant die waterwerke wat die hele Matlosana-gebied moet voorsien van water. Die VF Plus het klagtes hieroor by die Groen Skerpioene ingedien, maar daar het niks van gekom het.

Die minister, Gugile Nkwinti, het gepraat oor die belangrikheid van samewerking tussen die departement en private persone en instansies.

Wanneer iets soos die slikdam by Khuma beplan word, opper die gemeenskap wel hul besware.

"Ddie slikdam is daarom aanvanklik afgekeur deur die departement. Later is tog daarmee voortgegaan, en nou dra die gemeenskap die skadelike gevolge.

"Die regering moet ag slaan op insette van die publiek en daadwerklik daarvolgens optree, het Groenewald gesê.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.