fbpx
Vryheidsfront Plus

Tshwane-metro verwelkom voormalige bestuurshoof se skuldigbevinding

Die VF Plus in Pretoria verwelkom die uitspraak van die Pretoriase streekhof waarin ‘n voormalige bestuurshoof van die Tshwane-metroraad, Jacobus Barend Lerm, vyftien jaar gevangenisstraf opgelê is op aanklagte van korrupsie en bedrog van R15 miljoen. Vyf jaar van dié straf is opgeskort.

Die saak is oopgevlek nadat die koalisieregering, wat die VF Plus insluit, inligting ontvang het dat ‘n forensiese verslag oor dié aangeleentheid reeds in 2010 saamgestel is, maar dat dié verslag nooit voor die raad gedien het nie.

Awie Erasmus, raadslid van die VF Plus en voorsitter van die openbare rekeningekomitee, het saam met ander komiteelede gewerk om seker te maak die verslag word ondersoek en aan die raad voorgelê.

Die openbare rekeningekomitee het bevind dat aankoopprosedures verontagsaam is.  Die amptelike aankope-stelsel is gesystap deur bestellings direk  aan die verskaffer te rig, in stede daarvan om van die gereguleerde stelsel gebruik te maak. Die stelsel maak voorsiening  vir kompeterende kwotasies, wat in hierdie gevalle nie gebeur het nie.

Die amptenaar het ook die aankope in kleiner bedrae verdeel (onder R300 000) om sodoende onder die radar te bly. Die stad het gevolglik  ‘n verlies van R15 181 430 gelei omdat regulasieprosedures nie gevolg  is nie.

Die skuldigbevinding word as ‘n groot oorwinning vir die koalisie beskou, en is ‘n teken dat dié komitee tande het. Verder is die saak ook ‘n bewys van hoe ‘n veelparty-koalisie kan saamwerk om korrupsie hok te slaan.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.