Misdaadbekamping in die Tshwane-metro is een van die prioriteite van die koalisieregering en daarom is samewerking tussen owerhede en die gemeenskap noodsaaklik om sukses te bereik.
VF Plus-raadslede, lede van die Sektor 4-gemeenskapspolisiëringsforum, die polisie, metropolisie en inwoners het onlangs saamgespan en ‘n suksesvolle padversperringsoperasie gehou as deel van ‘n veiligheidsbewusmakingsaksie in die Kameeldrift- en Kirkney-gebied.
Die VF Plus, as koalisievennoot, kan nie toelaat dat misdaad toeneem nie en het dadelik gereageer op ‘n oproep van Nico van Vuuren van Sektor 4 om alle veiligheidsorganisasies asook inwoners betrokke te kry in ‘n poging om misdaad te bekamp.
Die VF Plus het tydens die aksie ‘n beroep op die gemeenskappe van Kameeldrift en Kirkney gedoen om betrokke te raak by hul onderskeie buurtwagte en gemeenskapspolisiëringsforums.
;
