Die VF Plus gaan voorstelle vir ‘n geïntegreerde verkeersvloeiplan aan die Johannesburgse metropolisiediens (JMPD) indien nadat sewentien mense beseer is toe ‘n swaarvoertuig vroeër vandeesweek buite beheer geraak het en in agt motors in Doreenweg, Ruimsig (Roodepoort) ingeploeg het.
Hierdie is nie die eerste keer wat ‘n swaarvoertuig beheer teen die skerp afdraande in Doreenweg verloor en mense ernstig beseer word nie.
Christiaan de Wetrylaan, wat daagliks groot volumes verkeer dra, is ook ‘n probleem wat aangespreek moet word. Twee weke gelede is die besige pad vir ure gesluit nadat ‘n swaarvoertuig-bestuurder beheer verloor en die vragmotor sy vrag verloor het.
‘n Paar jaar gelede is tien mense dood nadat ‘n swaarvoertuig wat steenkool vervoer het, in ‘n ongeluk op William Nicolweg betrokke was.
Swaarvoertuig-ongelukke op hoofroetes in Johannesburg is aan die toeneem en dit is die plig van die Johannesburgse metropolisie om ‘n verkeersvloeiplan te implementeer om ‘n meer veilige omgewing vir voertuie en vragmotors te skep en sodoende ongelukke en lewensverlies te voorkom.
Kontaknommer: 082 358 3882
;
