Die VF Plus verwelkom die Midvaal-munisipaliteit se optrede deur die indien van aanklagtes van kwaadwillige saakbeskadiging by die plaaslike polisie wat spruit uit die beskadiging van eiendom gedurende onlangse protesoptrede.
Die klagtes is geformuleer in terme van die Wysigingswet op Strafregtelike Aangeleenthede, Wet 18 van 2015. Hierdie wet teiken spesifiek die beskadiging van staatseiendom wat op 1 Junie 2016 in werking getree het. Die saaknommer in hierdie geval is Meyerton SAP – CAS 229/4/2018.
Betogers en oortreders is al by verskeie geleenthede geïdentifiseer, maar die polisie het versuim om iemand in hegtenis te neem. Sodoende is die hele regsproses verydel en vandale het skotvry daarvan afgekom. Staats- en private eiendom word beskadig terwyl die polisie toekyk en nie daadwerklik optree nie. Die VF Plus beskou hierdie toedrag van sake as uiters kommerwekkend
Die VF Plus onderneem om hierdie saak noukeurig te volg en op te tree indien nodig. Die regte van wetsgehoorsame burgers en belastingbetalers moet sonder voorbehoud ingevolge die wet beskerm word.
Kontaknommer: 071 640 7283
;
