fbpx
Vryheidsfront Plus

VF Plus moedig Ekurhuleni aan om nog meer privaat kragopwekking moontlik te maak

Die VF Plus het tydens ‘n raadsvergadering van die Ekurhuleni-metroraad die metro aangemoedig om nog meer privaat kragopwekking moontlik te maak.

Die versoek kom nadat dit bekend geword het dat die metro ‘n ooreenkoms aangegaan het met private kragverskaffers om fotovoltaïese- (pv) of sonkrag aan Ekurhuleni te verskaf.

Die VF Plus ondersteun die metro se inisiatief en vra dat die potensiaal verder ontgin word om dele van Ekurhuleni, soos Kempton Park, heeltemal onafhanklik van Eskom te maak.

Luidens ‘n verslag wat voor die raad gedien het, kan tot 20 megawatt sonkrag opgewek word met net twee lappies grond van 40 hektaar elk.

Die VF Plus het die burgemeesterskomiteelid belas met energie, mnr. Senzi Sibeko, ook daarop gewys dat Kempton Park oor oop grond beskik gelykstaande aan 1 250 hektaar wat tot 92 500 huishoudings van Eskom se kragnetwerk kan verwyder.

Die gebruik van die ekstra grond vir sonkragopwekking kan tot gevolg hê dat die hele Kempton Park onafhanklik van Eskom kan word.

Indien die ander stukke leë grond in Ekurhuleni in ag geneem word, is die potensiaal enorm om ander dele van die metro ook krag-onafhanklik te maak.

Die VF Plus spoor die metro aan om hierdie projek om eie kragverskaffing moontlik maak, drasties en dringend uit te brei.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.