fbpx
Vryheidsfront Plus

Swak hantering van onluste ‘n reuse terugslag vir beleggersvertroue

Die onbeholpe hantering van die onluste-situasie deur die ANC-regering en sy wetstoepassingsagentskappe in KwaZulu-Natal en Gauteng die afgelope week, het beleggersvertroue in Suid-Afrika ‘n ernstige knou toegedien.

Talle maatskappye, waaronder Toyota, wat groot skade gely het nadat infrastruktuur afgebrand is, voorraad gesteel is en die blokkering van hoofweë die vervoer van goedere verhinder het, heroorweeg tans verdere investering in KwaZulu-Natal en die res van die land.

Die ruimte vir groei wat geskep is deur die opwaartse groei wat kommoditeite beleef het, sal geabsorbeer word deur ondersteuning aan ondernemings en om die verlies aan werksgeleenthede teen te werk.

Die regering sal waarskynlik die spesiale Covid-19-verligtingsbystand van R350 per maand herinstel teen ‘n koste van sowat R30 miljard per jaar vir 6.9 miljoen volwassenes.

Indien die regering ‘n basiese inkomste subsidie/toekenning sou instel om armoede te verlig, kan dit op die korttermyn politieke stabiliteit bevorder, maar op medium- tot langtermyn die ekonomie verder benadeel omdat ‘n minimum bedrag van R585 per maand aan 22.5 miljoen werklose volwassenes die staat se welsynsrekening teen ‘n koste van R160 miljard per jaar sal laat verdubbel.

Die regering sal in so geval gereduseer word tot ‘n belasting-oordragkantoor wat by ‘n gebrek aan ekonomiese groei die toekennings slegs sal kan volhou met gereelde verhogings in belasting.

Die ANC regering sal sy swak ekonomiese beleidsrigtings moet laat vaar om daadwerklik die ekonomie te laat groei as enigste volhoubare maatreël om armoede te verlig.

 

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.