President Jacob Zuma is gekant teen ‘n geheime stemming. Dit het vanmiddag geblyk uit ‘n vraag van die VF Plus of hy ‘n geheime stemming sal steun gesien in die lig van die Grondwethof se uitspraak oor die saak vandag, sê dr. Corné Mulder, hoofsweep van die VF Plus.
Die hof het onder meer bevind die speaker is wel by magte om te besluit of ‘n geheime stemming toegelaat kan word of nie.
Op die vraag of hy ‘n geheime stemming sal steun, het die president geantwoord hy verkies dat die parlement moet bly stem soos met die vorige stemmings wat oop was en waar gesien kan word hoe elke lid stem.
Dr. Mulder sê dit is duidelik dat pres. Zuma nie sy party-koukus vertrou om oor hom te stem as hy nie elkeen se stem na die stemmery kan kontroleer nie.
Kontaknommers: 083 626 1497 / 083 419 5403
;
