Die inwoners van groot dele van die ANC-beheerde Bethal in Mpumalanga het reeds vir 26 opeenvolgende dae geen water nie en slegs sporadiese krag.
Dit volg binne 65 dae nadat die ANC die plaaslike tussenverkiesing gewen het op 9 Oktober 2019.
Die VF Plus het slegs ses stemme nodig gehad om te wen in 'n hewige betwiste verkiesing nadat die DA-wyksraadslid bedank het.
Teenstrydige kommunikasie vanuit verskillende bronne in die Govan Mbeki-plaaslike munisipaliteit bied tans min antwoorde vir die tekort aan water en krag.
Sommige meen die grootmaat-waterverskaffer, Rand Water, het nie voldoende pompe geïnstalleer om genoeg water aan die dorp te voorsien nie terwyl die moontlikheid ook bestaan dat Rand Water waterbeperkings ingestel het weens agterstallige waterskuld van R272 miljoen van die Govan Mbeki-munisipaliteit.
Al die inwoners van Bethal en die Govan Mbeki-munisipaliteit word nou gyselaar gehou deur entiteite wat verantwoordelik is vir die lewering van dienste aan die dorp.
Die VF Plus sal 'n klag hieroor by die Menseregtekommissie (MRK) indien teen Rand Water Bulk Services en die Govan Mbeki-munisipaliteit vir die ooglopende skending van die Grondwet wat bepaal dat almal in die land geregtig is op basiese menseregte soos die beskikbaarheid van water.
Die VF Plus het alles in sy vermoë gedoen om die situasie tussen Rand Water en die Govan Mbeki-munisipaliteit te voorkom. Dit is tyd om die betrokke entiteite tot verantwoording te roep.
Navrae: 082 464 4280 of 060 491 7038
;
