fbpx
Vryheidsfront Plus

Zuma kry eindelik sy dag in die hof

Die VF Plus verwelkom die besluit van Shaun Abrahams, die nasionale direkteur van openbare vervolging (NDOV), om voort te gaan met die strafregtelike klagtes teen oud-president Jacob Zuma.

Zuma het gesê hy sal graag sy dag in die hof wil hê om sy onskuld te bewys, en nou kry hy die geleentheid om dit te doen.

"Die besluit van Abrahams om Zuma te vervolg is die regte besluit, maar dit is jammer dat dit nou eers na byna tien jaar en na die vermorsing van miljoene rande van belastingbetalers se geld eers gebeur. In die belang van deursigtigheid en vir die belastingbetalers van Suid-Afrika, word die besluit verwelkom," sê Dr Pieter Groenewald, VF Plus leier.

"Die vraag is of die beginsel van deursigtigheid en die belang van die mense van Suid-Afrika waarvan Abrahams melding maak, dan nie veronderstel was om nog altyd te geld nie. Dit is duidelik dat Abrahams na baie jare nou skielik toegee aan druk en dat dit ‘n poging is om homself te red om in sy pos aan te bly.

"Die VF Plus is steeds van mening dat Abrahams nie bevoeg en geskik is vir die pos van nasionale direkteur van openbare vervolging nie en dat hy so gou moontlik vervang moet word met ‘n bevoegde persoon wat meer waardigheid en integriteit aan die nasionale vervolgingsgesag kan gee.

"Dit was nog altyd die VF Plus se standpunt dat daar ‘n smet aan die Suid-Afrikaanse Nasionale Weermag (SANW) kleef weens die beweringe van korrupsie met die wapen-aankopeprogram en die beweringe dat Zuma daarby betrokke was.

"Hier ontstaan nou ook ‘n geleentheid om die mense van Suid-Afrika in te lig dat, indien daar wel korrupsie was, die persone wat daarby betrokke was, aan die pen gaan ry. Dit kan die beeld van die weermag verbeter vir die toekoms," sê Groenewald.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.