fbpx
Vryheidsfront Plus

Wysigingswetsontwerp op voorskrifte in siviele en strafregtelike sake: Wet help nie proaktief om die probleem van geweld teen veral vroue en kinders te voorkom nie

"Voorkoming is beter as genesing, en die Wysigingswetsontwerp op Voorskrifte in Siviele en Strafregtelike Sake, in die besonder om geweld teen vroue en kinders te beperk, slaag nie in hierdie doel nie," sê Jaco Mulder, VF Plus-LP en hoofwoordvoerder van justisie.

"Suid-Afrika bevind hom tans in 'n ander, ernstige epidemie waar vroue en kinders hoofsaaklik die slagoffers is. Dit is die epidemie van seksuele misdrywe en geweld.

"Onlangse misdaadstatistiek toon aan dat 52.420 seksuele misdrywe in 2019 in die land plaasgevind het – 'n toename van 4,6% sedert 2018. Dit blyk hieruit duidelik dat die regstelsel nie ‘n doeltreffende voorkomende maatreël teen hierdie soort misdaad is nie.

 

"Dit is belangrik om daarop te let dat 'n wysiging van die statutêre bepalings rakende die voorskrifte van siviele eise en strafregtelike vervolging weens seksuele misdrywe nie die siekte van geweld teen vroue en kinders genees nie."

 

"Dit behandel die simptome deur te verseker dat slagoffers die geleentheid kry om vergoed te word en dat oortreders ondanks ‘n lang tydsverloop steeds vervolg kan word.

"Dit bied indirekte beskerming aan kinders wat die slagoffer van enige seksuele misdryf was deur hulle toe te laat om na jare steeds geregtigheid te vind. Hierdie wetsontwerp is wel 'n stap in die regte rigting, maar is ongelukkig bloot reaktief van aard.

"Die tyd het aangebreek dat Suid-Afrika met proaktiewe oplossings en wetgewende raamwerke vorendag kom wat die oorsaak van geweld teen vroue en kinders sal uitlig en behandel," sê Mulder.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.