fbpx
Vryheidsfront Plus

Wit en bruin belangegroepe tree in gesprek met Elsenburg-Landboukollege oor taalbeleid

Die VF Plus gaan vandag saam met verskeie Wes-Kaapse belangegroepe in gesprek tree met die bestuur van die Elsenburg-Lanboukollege buite Stellenbosch oor die behoud van Afrikaans, en die veiligheid van studente, dosente en werknemers van die kollege.

Dit volg op die gebeure twee weke gelede waar opruiende studente, sommige met EFF-oorpakke en sambokke, op die perseel toegelaat is, en mede-studente aangerand het sonder dat die polisie of die kollege se veiligheidspersoneel tussenbeide getree het.

Die voorval het gespruit uit die aandrang van ‘n kleiner groepie studente wat ontevrede is oor die gebruik van Afrikaans by die kollege.

Die gesprek by die kollege sal vandag om 13:30 tot 14:30 gevoer word met mnr. Darryl Jacobs (waarnemende adjunk-direkteur generaal, departement van landbou in die Wes-Kaap) en mnr. Marius Paulse, (hoofdirekteur, Elsenburg-Landboukollege).

Die VF Plus sal vergesel word van mnr. Peter Marais (Beweging van Bruin Belange), mnr. Des Palm (WesKaap Aksieforum) en mnr. Ricardo Sedres (Social Democratic Party SA).

Dr. Mulder sê die bestuur sal gevra word om antwoorde te gee oor die taalkwessie, en watter oplossings voorgestel word om toekomstige onmin te vermy sonder om Afrikaans te benadeel. Die meerderheid studente by die kollege is Afrikaanssprekend.

Die veiligheidskwessie sal ook bespreek word, en die kollege sal ook hier moet uitspel welke planne in plek geplaas is om toekomstige geweld en ontwrigting te vermy.

Na die gesprekke sal die media (omstreeks 15:00) die geleentheid hê om by die nabygeleë Eaglevlei-wynlandgoed onderhoude met dr. Mulder en die anders rolspelers te voer.

 

Kontaknommers: 083 419 5403 / 082 674 6670

 

 

 

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.