fbpx
Vryheidsfront Plus

Vuurwapenwet: VF Plus gaan privaatwet indien

Die leier van die VF Plus, Dr. Pieter Groenewald, gaan ‘n privaatlid-wetsontwerp indien wat sekere wysigings gaan voorstel aan die bestaande Wet op Vuurwapenbeheer wat die hernuwing van vuurwapenlisensies sal reguleer.

"Na die omstredenheid en onsekerheid wat verlede week geskep is met die uitspraak van die Grondwethof oor die aangeleentheid, is daar eintlik net een uitweg, en dit is om die wet te wysig op só ‘n wyse dat vuurwapeneienaars ‘n billike geleentheid gegun word om hul vuurwapenlisensies te hernu selfs nadat die lisensie verval het sonder om die eiendomsreg op hul vuurwapens te verloor," sê Groenewald.

"Die VF Plus sal ook met ander belanghebbende groepe soos die SA Jagters- en Wildbewaringsvereniging (SAJWV) konsulteer om die nodige wysigings aan die wet aan te bring.

"Dit is steeds onaanvaarbaar en onbillik dat vuurwapeneienaars hul vuurwapens verloor bloot weens ‘n administratiewe oorsig wat reggestel kon word deur ‘n boete te betaal en die lisensies te hernu.

"Daar word gediskrimineer teen vuurwapeneienaars deurdat hulle hul eiendom verloor, maar in die geval van ‘n motorlisensie betaal jy net ‘n boete sonder om die eiendomsreg op jou voertuig te verloor," sê Groenewald.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.