fbpx
Vryheidsfront Plus

VF Plus verwelkom ondersoek van Midvaal-korrupsie

Die VF Plus verwelkom die ondersoek na TW (Thom) Peeters, adjunkhoof van korporatiewe dienste van die Midvaal-munisipaliteit.

Die VF Plus het reeds in 2009 verskeie mediaverklarings uitgereik met betrekking tot ‘n wye verskeidenheid ongerymdhede in Midvaal wat deur fluitjieblasers aangemeld is. Op aandrang van die VF Plus is ondersoeke geloods deur die Openbare Beskermer (OB) en later ook deur die Spesiale Ondersoek-eenheid (SOE).

Die SOE het in verskeie vorderingsverslae aan die parlement en aan die kantoor van die president die spesifieke onderwerp van werkverkoping (jobs for cash) as ‘n groot probleem beskryf en het dit as ‘n fokusarea van hul ondersoek uitgelig.

"Die topstruktuur van die DA in Midvaal – dit sluit in die munisipale bestuurder, sy adjunk en departementshoofde – was ten alle tye bewus van die ondersoek en die bevindinge daarvan," sê Kobus Hoffman, VF Plus–raadslid in die Sedibeng-distriksmunisipaliteit.

"Dit is betreurenswaardig dat die DA ontslae geraak het van al die fluitjieblasers binne die raad wat gehelp het om die ongerymdhede aan die lig te bring.

"Die VF Plus sal onverpoosd bly terugslaan teen hierdie soort ongerymdhede. Die party is daar as waghond en sal seker maak dat stadsrade en politieke partye verantwoordbaar gehou word," sê Hoffman.

 

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.