Die VF Plus verwelkom die inhegtenisneming van twee verdagtes wat betrek word by bedrog van R58 miljoen in die Maluti-a-Phofung-plaaslike munisipaliteit (Harrismith, Phuthaditjhaba en Kestell).
Die verdagtes word aangekla van onder meer bedrog, korrupsie en oortreding van die Wet op Munisipale Finansiële Bestuur.
Die klagte hou verband met die onreëlmatige aanstelling van 'n diensverskaffer vir sekuriteitsdienste in 2020.
Die korrupsie het plaasgevind terwyl fondse broodnodig was om vervalle infrastruktuur en ontoereikende dienslewering in die munisipaliteit te herstel.
Die nasionale vervolgingsgesag (NVG) sal 'n voorbeeld van die skuldiges moet maak. Korrupsie mag nie geduld word nie.
;
