Die Johannesburgse metroraad het mnr. Jolidee Mantongo van die ANC vandag tydens ‘n spesiale raadsitting verkies tot nuwe burgemeester van die metro ná die afsterwe van die vorige burgemeester, Geoff Makhubo, op 9 Julie vanjaar.
Ná samesprekings tussen die VF Plus en sekere politieke partye is besluit om nie in hierdie stadium ‘n alternatiewe burgemeesterskandidaat voor te stel nie en eerder op die komende plaaslike regeringsverkiesing te fokus.
Die Johannesburgse metro is in só ‘n moeras van ekonomiese verval dat geen nuwe ANC-burgemeester maklik enige verandering teweeg sal bring nie.
Die enigste oplossing vir die inwoners van Johannesburg is om met die komende verkiesing die onbevoegde ANC by die stembus te straf en te vervang met ‘n verantwoordelike en korrupsievrye bestuur wat ‘n volle termyn kan dien om sodoende belastingbetalers se vertroue te wen.
Navrae: 082 358 3882
;
