fbpx
Vryheidsfront Plus

Plaasmoorde: Geen twyfel aan feller aanslag op boere ná hofuitspraak oor “Kill the boer”-lied

Die VF Plus veroordeel die plaasaanvalle waarin mnr. Nicky Janse van Rensburg gedood en twee ander mense, ’n vrou en ‘n seun beseer is, ten sterkste.

Met hierdie toevoegings tot die plaasmoord-statistiek is daar geen twyfel nie dat die aanslag op boere ná die hofuitspraak oor die struggle-lied “Kill the boer", in felheid toegeneem het.

Mnr. Janse van Rensburg is vermoedelik Vrydagmiddag (7 Oktober) tussen 17:00 en 18:00, aangeval op ‘n plaas by Roedtan in die Limpopo-provinsie.

Marcelle Maritz, VF Plus-LPW en provinsiale leier, het besoek afgelê by die slagoffer se woning en het verneem dat mnr. Janse van Rensburg koelbloedig in die huis geskiet is.

Die huishulp het die vrou en die seun Saterdagoggend, vasgebind teen mekaar, in een van die vertrekke gevind.

Die erns van die situasie verg dat die regering nou gedwing moet word om plaasaanvalle en plaasmoorde tot prioriteitmisdaad te verklaar.

Nog leë woorde en ‘n duidelike gebrek aan politieke wil om hierdie soort misdaad te prioritiseer, gaan moontlik lei tot ’n situasie waar landelike gemeenskappe geregtigheid in hul eie hande gaan neem.

Die aanslag op boere is nie net tot nadeel van die boere, hul naasbestaandes en werkers nie, maar van die hele Suid-Afrika.

Die VF Plus doen ‘n ernstige beroep op landelike gemeenskappe om self ook beheer te neem oor hul veiligheid en aan te sluit by georganiseerde veiligheidsstrukture in hul omgewing om hulself binne die raamwerk van die wet te beveilig en verdedig.

Die VF Plus spreek sy innige meegevoel uit met die familie van die oorledene en wens die oorlewendes ‘n spoedige herstel toe.

DEEL DIT:

jongste artikels

Mediaverklarings
Armand Cloete

Premier moet ingryp by Matjhabeng-waterkrisis

Die VF Plus eis dat die Vrystaatse premier, Mxolisi Dukwana, moet ingryp by die voortslepende waterkrisis in die Matjhabeng-plaaslike munisipaliteit (Allanridge, Hennenman, Odendaalsrus, Ventersburg, Virginia,

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.