Mnr. André Moss is die afgelope naweek verkies as die VF Plus se nuwe provinsiale leier vir Limpopo.
Moss volg me. Marcelle Maritz op ná haar skielike afsterwe op 4 Oktober.
Hy is ook onlangs aangewys as die party se nuwe wetgewerlid in Limpopo.
Mnr. Pieter Gerber, VF Plus-raadslid in die Maruleng-plaaslike munisipaliteit en me. Susan Clarke, VF Plus-raadslid in Polokwane, is as die twee ondervoorsitters aangewys.
Die VF Plus in Limpopo is slaggereed om onder Moss se leierskap en met die ondersteuning van lede, raadslede en provinsiale personeel, sy staal te toon met die Thabazimbi-tussenverkiesing op 4 Desember.
