fbpx
Vryheidsfront Plus

Stel VS-openingsrede uit en keer afskeidspartytjie vir Ace

Die VF Plus eis dat die provinsiale openingsrede van die uittredende Vrystaatse Premier, Ace Magashule wat geskeduleer is om op 20 Februarie in Parys, Vrystaat plaas te vind, uitgestel word.  Die VF Plus is van mening dat die geleentheid wat die belastingbetaler etlike miljoene rand gaan kos, misbruik gaan word as 'n afskeidspartytjie vir Magashule, sê Tammy Wessels, VF Plus-LPW in die Vrystaatse Wetgewer.

"Die Vrystaatse wetgewer moet die voorbeeld van sy nasionale eweknie volg en die openingsrede uitstel tot 'n nuwe premier verkies is."

 "Die openingsrede is veronderstel om die rigting aan te dui vir provinsiale departemente vir die komende jaar.  Die begrotings en jaarlikse prestasieplanne van departemente word deur die openingsrede toegelig, daarom is dit onaanvaarbaar dat die premier wat beslis binne die volgende maand gaan bedank, weens sy voltydse pos as sekretaris-generaal van die ANC, toegelaat word om die provinsiale rede te lewer.

"'n Verantwoordelike regerende party sou spoedig na die verkiesing van Magashule as sekretaris-generaal in Desember 2017 sy interne prosesse afgehandel het om 'n nuwe premier vir die Vrystaat te verkies.  Dit is onaanvaarbaar dat die ANC se binne-gevegte die Vrystaat lamlê en veroorsaak dat belangrike beplanning vir die jaar nie plaasvind nie.

"Die feit dat die openingsrede beplan word om in Magashule se tuisdorp, Parys, plaas te vind, is 'n aanduiding dat die openingsrede se koste miljoene rand gaan beloop en dat dit eerder 'n afskeidspartytjie vir hom gaan wees.

"Die VF Plus het 'n dringende skrywe aan die Speaker van die Vrystaatse wetgewer gerig om te eis dat die openingsrede uitgestel moet word en indien dit voortgaan dat die koste verbonde daaraan tot die uiterste beperk moet word.

"Die Vrystaatse wetgewer moet die voorbeeld van sy nasionale eweknie volg en die openingsrede uitstel tot 'n nuwe premier verkies is. Die beplande mosie van wantroue in die premier moet uiteraard ook voor die openingsrede dien," sê Wessels.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.