Erns Kleynhans is die VF Plus se burgemeesterskandidaat vir Matlosana en ’n ervare politieke leier. Hy het van 2016 tot 2019 as Matlosana-raadslid gedien, was daarna lid en sweep van die Noordwes-Provinsiale Wetgewer, en het in April 2025 na die raad teruggekeer. Sy ervaring sluit infrastruktuur, plaaslike ekonomiese ontwikkeling, gesondheid, onderwys, openbare werke en veiligheid in. Erns dien sedert 2016 in provinsiale en federale partystrukture. In die privaat sektor was hy besigheidskonsultant, bestuurder, direkteur, medestigter en eiendomsagent. Hy verbind strategiese leiding, spanwerk en diensbaarheid met praktiese bestuurservaring in Matlosana.
“Matlosana kan herstel wanneer politieke leiding, kundige bestuur en gemeenskappe saam aan een uitvoerbare plan werk. My ervaring in die raad, provinsiale wetgewer en privaat sektor het my geleer dat spanwerk slegs resultate lewer wanneer doelwitte duidelik, begrotings realisties en verantwoordelikhede meetbaar is. As burgemeesterskandidaat wil ek ’n bevoegde bestuurspan bevorder, prestasie streng monitor en korrupsie en wanbesteding sonder uitsondering aanspreek. Besparings moet na water, elektrisiteit, riool, paaie en skoon woonbuurte terugvloei. Só bou ons ’n volhoubare munisipaliteit wat vertroue verdien en groei moontlik maak vir alle inwoners en ondernemings.”
- Erns Kleynhans
Kies hieronder.
Choose below.