Dit is reeds ou nuus dat donkies op wrede wyse lewendig afgeslag word om aan 'n bepaalde behoefte in die Verre-Ooste te voldoen. Die VF Plus beskou dit as 'n klad op Suid-Afrika se naam dat dié land 'n voorsiener van hierdie produk geword het, sê dr. Wynand Boshoff, leier van die VF Plus in die Noord-Kaap.
Hy sê dit is ook hartseer dat die Noord-Kaap met die praktyk geassosieer word.
“Diere is waarskynlik nie van hulle sterflikheid bewus nie, maar wel van pyn en trauma. Die gehardheid, sagmoedigheid, lojaliteit en boonop 'n Bybelse konnotasie maak donkies vir baie mense spesiaal. In Upington is selfs 'n standbeeld vir dié nederige familielid van die perd opgerig.
"Dit is ondenkbaar dat mense enige dier lewendig sal slag, soos wat na berig word gebeur," sê dr. Boshoff.
Kontaknommers: 074 166 5540
;
