fbpx
Vryheidsfront Plus

Stop kaderaanstellings in Ekurhuleni

Die VF Plus in Ekurhuleni het die ANC-beheerde raad tydens die onlangse burgemeesters-stadsrede gevra om die gebruik van kaderontplooiing in stede van meriete-aanstellings, summier te staak.

"Dit veroorsaak dat departemente onderpresteer weens ‘n tekort aan kundigheid," sê Jennifer Rautenbach-Glover, VF Plus-raadslid in die Ekurhuleni-metroraad

Sy sê die vakante vakatures binne die metro bly problematies deurdat die raad daarop aandring om net sleutelposisies te vul.

"Die burgemeester, Mzwandile Masina, spog valslik met ‘n ongekwalifiseerde oudit terwyl verskeie departemente minder as 50% van hul begrotingsteikens bereik het. Die jaarverslag dui aan daar is  verskeie onreëlmatige en vrugtelose uitgawes wat dringend ondersoek en verklaar moet word.

"Werkskepping in Ekurhuleni is steeds ‘n ernstige probleem. Die 89 000 poste wat volgens burgemeester Masina  geskep is, is net tydelike kontrakposte wat binne maande en in baie gevalle selfs binne weke kontraktueel verstryk. Dit bied geen langtermyn-oplossing nie en is nie volhoubaar nie.

"Misdaad is aan die toeneem, veral transito-rooftogte, koerierkapings- en rooftogte, en selfs die roof van vuurwapenwinkels. Ekurhuleni se metropolisie verrig goeie werk, maar ‘n beter en meer strategiese benadering jeens misdaadbekamping is dringend nodig. Die burgemeester se plan van ‘n “Veiliger Stad” moes lankal in werking gestel gewees het.

"Die verandering van straatname is onnodig en ‘n vrugtelose uitgawe. Daardie fondse behoort eerder konstruktief aangewend te word vir dienslewering. Die burgemeester moet ook verseker sy beloofde projekte is voor die einde van Junie afgehandel en operasioneel.

"Die VF Plus sal terugslaan teen swak dienslewering en aanhou om druk uit te oefen om te verseker dat Ekurhuleni behoorlik en tot voordeel van die inwoners bestuur word," sê Rautenbach-Glover.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.