fbpx
Vryheidsfront Plus

Minister van onderwys weet nie of skole in Gauteng veilig is nie

Selfs ná die tragedie by die Hoërskool Driehoek in Vanderbijlpark byna drie maande gelede waar verskeie leerlinge gedood en beseer is toe ‘n loopbrug ineengestort het, weet die minister van basiese onderwys, Angie Motshekga, steeds nie of enige ander skole in Gauteng strukturele veiligheidsgebreke het nie.

Dit het aan die lig gekom in ‘n geskrewe parlementêre vraag van die VF Plus aan die minister oor die aangeleentheid.

Die minister kan geen vrae oor die aangeleentheid antwoord nie, en sê sy gaan die Gautengse onderwysdepartement nader om die vrae te beantwoord.

Die VF Plus het die minister gevra hoeveel skole in Gauteng voldoen of voldoen nie aan die voorskrifte vir wetlike infrastruktuur-standaarde van haar departement of ander nasionale departemente nie en besonderhede daaromtrent.

Die tweede vraag was of infrastruktuur-inspeksies by skole gedoen word en ook om nadere besonderhede rondom dié aangeleentheid.

Die antwoord lui bloot dat die inligting aangevra is van die Gautengse onderwysdepartement.

“Dit is onwaarskynlik dat die minister wel die vrae voor die verkiesing sal beantwoord en die vraag moet gevra word of sy die inligting nie doelbewus verswyg nie aangesien daar tans regseise teen die departement ingestel word deur die ouers van Driehoek,” sê adv. Anton Alberts, VF Plus premierskandidaat vir Gauteng en partyvoorsitter.

“Die VF Plus sal die vrae opnuut indien tydens die nuwe parlementêre sitting wat nog ‘n geruime tyd sal duur.

“Indien die minister inderdaad nie oor die inligting beskik of ten minste ‘n dringende ondersoek na die veiligheid by skole gelas het om vas te stel waar ander strukturele gebreke bestaan nie, is dit ‘n skandalige en skokkende aanduiding en erkenning van die minister en die ANC-regering se ongevoeligheid oor die veiligheid van leerlinge.

“Die VF Plus sal bly aandring op vrae oor wat die regering doen om kinders se veiligheid by skole te verseker en sal sodoende terugslaan teen ‘n regering wat argeloos staan teen die veiligheid van die land se skoolgaande kinders,” sê Alberts.

DEEL DIT:

jongste artikels

Van die VF Plus se politieke lessenaar
Dalien Steyn

Meningspeilings en verkiesingsuitslae

Daar is die afgelope ruk byna elke week ʼn nuwe meningspeiling wat voorspel hoe politieke partye in die komende verkiesing gaan vaar.

Die jongste dag-tot-dag-meningspeiling van die Social Research Foundation (SRF) dui daarop dat die ANC nou voorloop in KwaZulu-Natal nadat hy sy groot kanonne ingestuur het om in die provinsie stemme te werf.

LEES MEER
Jongste nuus
Amanda de Lange

Lesufi faal welsynsorganisasies

Die Gautengse premier, Panyaza Lesufi en die LUR vir maatskaplike ontwikkeling, Mbali Hlope, se krisisbestuur om welsynsorganisasies wat nog nie hul diensooreenkomste ontvang het nie

LEES MEER
Wil jy voortgaan in Afrikaans of Engels?

Kies hieronder.

Would you like to continue in English or Afrikaans?

Choose below.