Die VPH is ‘n voorverkiesingsooreenkoms tussen politieke partye.
Die doel van hierdie ooreenkoms is om ‘n politieke oorgang in Suid-Afrika te fasiliteer weg van die agteruitgang wat deur 30 jaar van ANC-regering bewerkstellig is.
Die ooreenkoms lê die grondslag vir ‘n nuwe veelparty-regering in 2024 wat die menigte uitdagings wat Suid-Afrikaners in die gesig staar, kan aanspreek.
Die Handves dien as ‘n simbool van hoop. Daar is hoop om die ANC te ontsetel en ‘n verantwoordelike veelparty-koalisieregering te vorm wat die belange van die burgers sal dien.
Nee, die VF Plus is ‘n party met sy eie beleid en missie.
Die Handves verskaf ‘n grondslag vir ‘n koalisieregering.
As die VF Plus deel vorm van so ‘n regering, sal hy sy beleid kan verwesenlik en die belange van sy kiesers dien.
Die Handves is nie ‘n nuwe, geassimileerde politieke party nie. Die partye in die Handves het steeds verskille in beleid, missies, ens. Daarom bly ons individuele partye.
‘n Kieser kan egter die Handves-vennoot kies waarmee hy/sy die meeste saamstem en daardie party ‘n sterk aanspraakmaker binne ‘n veelparty-regering maak.
Die VF Plus, DA, IVP, ACDP ActionSA, UIM, SNP, Isanco, UCDP, Ekhethu en UNP is tans partye wat deel vorm van die ooreenkoms.
Meer partye sal by die Handves aansluit voor die komende verkiesings.
Nee, ‘n koalisie word gevorm ná ‘n verkiesing, afhangende van die uitslae.
Die doel van die ooreenkoms en die Handves is om nou reeds konsensus te vind oor sekere pertinente kwessies wat gewoonlik omstrede is in koalisie-onderhandelinge.
Ná die bekendmaking van die verkiesingsuitslae, bied die Grondwet van Suid-Afrika slegs 14 dae om ‘n president te kies en ‘n regering saam te stel.
Om kwessies nou te bespreek en ‘n mate van ooreenkoms tussen moontlike koalisievennote te verkry, sal die ná-verkiesingsonderhandelinge makliker en meer vrugbaar maak.
Al die partye sal as individuele partye aan die verkiesing deelneem met hul eie presidentskandidate.
’n Koalisie sal ná die verkiesing gevorm word op grond van die uitslae en prestasies van die individuele partye.
Die uitslae sal dus ‘n invloed hê op die verdeling van mag binne so ‘n veelparty-regering.
Maar wie word dan president?
Dit sal afhang van die onderhandelinge ná die verkiesing.
Hoe sterker jy die VF Plus maak deur vir ons te stem, hoe sterker sal ons sê in die onderhandelinge wees.
Kies hieronder.
Choose below.