Willie Liebenberg is al 15 jaar aktief betrokke by gemeenskapsprojekte in Mosselbaai, veral in sy tuisdorp Grootbrakrivier. Hy was stigtersvoorsitter van die Hersham Buurtwag en is ook betrokke by die gemeenskapspolisiëringsforum. In 2014 het hy die Grootbrak Sportakademie begin en is hy later as Mosselbaai se Gemeenskapsbouer en Sport-gemeenskapsbouer van die Eden-distrik aangewys. Willie dien tans as VF Plus-raadslid en fokus op verantwoordelike bestuur, dienslewering en volhoubare ontwikkeling.
“Ek wil my ervaring en betrokkenheid gebruik om die inwoners van Mosselbaai te dien. Ek staan vir deursigtige en verantwoordelike plaaslike regering, goeie dienslewering en volhoubare ontwikkeling wat ons natuurlike hulpbronne beskerm. Ontwikkeling moet verantwoordelik bestuur word sodat bestaande inwoners nie deur onbeheerde groei en buitensporige munisipale heffings benadeel word nie. Ek glo in gemeenskapsbetrokkenheid, verantwoordbaarheid en praktiese optrede om Mosselbaai ’n beter plek vir almal te maak.”
- Willie Liebenberg
Kies hieronder.
Choose below.