Pieter Steyn dien sy tweede termyn as raadslid in die JB Marks Munisipaliteit. Hy is ’n gekwalifiseerde elektrisiën en bestuur sedert 2011 sy eie onderneming, wat hom praktiese ervaring in tegniese werk, probleemoplossing en verantwoordelike sakebestuur gee. Pieter beskik ook oor sekuriteitskwalifikasies tot op graad A-vlak. Hy is aktief in die buurtwag en ’n Eskom-groep teen kabeldiefstal, waar hy help om gemeenskappe en infrastruktuur te beskerm. Sy passie is om inwoners te dien, probleme op te los en JB Marks tot sy vroeëre glorie, en selfs beter, te herstel.
“As elektrisiën en lid van strukture teen kabeldiefstal weet ek hoe vinnig swak onderhoud en vandalisme ’n hele gemeenskap kan ontwrig. JB Marks moet kritieke elektriese infrastruktuur identifiseer, beveilig en volgens ’n vaste voorkomende instandhoudingsprogram bestuur. Samewerking tussen die munisipaliteit, Eskom, SAPS, buurtwagte en inwoners is noodsaaklik vir vinnige rapportering en reaksie. Ek wil my praktiese ervaring gebruik om probleme doelgerig op te volg, verantwoordelikheid af te dwing en seker te maak dat herstelwerk behoorlik afgehandel word. Ons dorpe kan weer verantwoordelik bestuur word, met volhoubare, betroubare dienslewering vir inwoners.”
- Pieter Steyn
Kies hieronder.
Choose below.