Pierre Cronje is ’n gevestigde lid van die Vanrhynsdorp-gemeenskap en is vir reeds sowat 12 jaar by die plaaslike buurtwag betrokke. Deur sy betrokkenheid het hy eerstehands ervaar hoe belangrik gemeenskapsveiligheid, samewerking en omgee vir ander is. Pierre glo daarin om prakties betrokke te wees en nie te wag dat ander probleme moet oplos nie. Hy wil sy ervaring en kennis gebruik om ’n positiewe bydrae tot Wyk 7 en die breër gemeenskap te lewer.
Ek staan vir respek, eerlikheid, betroubaarheid en samewerking. Ek glo ’n sterker gemeenskap word gebou wanneer inwoners, besighede en organisasies bereid is om hande te vat en verantwoordelikheid te neem. Ek wil ’n persoon wees wat luister, betrokke is en bereid is om ’n hand by te sit wanneer daar probleme is. Vir my gaan gemeenskapsdiens nie oor ’n titel nie, maar oor omgee, diensbaarheid en om iets positiefs terug te gee aan die gemeenskap waarvan ek deel is.
- Pierre Cronje
Kies hieronder.
Choose below.