Lelanie Morris is ’n jarelange inwoner van die KOSH-gebied, VF Plus-raadslid en kandidaat vir wyk 17 in Matlosana. Sy beskik oor meer as drie dekades se ervaring as regssekretaresse, met deeglike kennis van administrasie, invordering, litigasie, kontrakte en munisipale heffings. Lelanie dien sedert April 2025 op Matlosana se finansiële en korporatiewe komitees. Sy is voorsitter van die KOSH VF Plus tak en betrokke by diensleweringsklagtes en gemeenskapsgroepe. Sy het ook bedienings- en fotografiekwalifikasies en ontvang tans opleiding in neuroberading en lewensafrigting om mense deur trauma te ondersteun met empatie .
“Diensbare leierskap beteken dat ’n raadslid inwoners se probleme deeglik dokumenteer, opvolg en aanhou totdat daar ’n antwoord is. My jare in die regsomgewing het my geleer hoe belangrik korrekte administrasie, wetgewing, invordering en verantwoordbaarheid is. In wyk 17 wil ek sorg dat inwoners se klagtes professioneel hanteer en munisipale besluite verstaanbaar teruggerapporteer word. Matlosana moet sy finansiële en korporatiewe bestuur versterk, kontrakte behoorlik beheer en fondse regverdig na kritieke dienste herlei. Mense verdien ’n toeganklike verteenwoordiger wat met empatie én volharding optree en elke belangrike saak tot afhandeling deurvoer.”
- Lelanie Morris
Kies hieronder.
Choose below.