David Johan Matthysen beter bekend as Omie, het sy skoolloopbaan in Garies voltooi. Daarna het hy weermagopleiding ontvang en toe vir ongeveer tien jaar by Vioolsdrift geboer. Hy het vervolgens vir ses jaar in die toerismebedryf gewerk en toe na Garies teruggekeer. As boer en inwoner is sy hele lewe in Kamiesberg. Omie is ’n Godvresende mens en sy geloof speel ’n belangrike rol in sy lewe. Hy is lojaal, eerlik en behandel ander soos hy self behandel wil word.
“My doelwitte vir die gemeenskap is om aandag te gee aan die basiese behoeftes van die dorp. Water is lewe. Daarom glo ek dat die waterprobleem die belangrikste is wat dringend aandag moet geniet. Elektrisiteit moet verbeter en reggestel word, sodat inwoners toegang tot die basiese dienste het. Ek glo verder dat eerlikheid en regverdigheid by die munisipaliteit moet begin. Ek wil graag help om positiewe verandering te bring, sodat ons dorp beter kan funksioneer en inwoners met trots hier kan woon. Ek wil saam met die gemeenskap oplossings kry.”
- Johan (Omie) Mathysen
Kies hieronder.
Choose below.