Hendrik “Hennie” Dercksen woon reeds 15 jaar in Koster en is ’n vertroude lid van die gemeenskap. Hy het in 1999 aan Hoërskool Wagpos in Brits gematrikuleer en Elektriese N3 voltooi. Sedert 2012 werk hy as faktotum by die Gereformeerde Kerk Koster en die Uitspanning-aftreeoord. Sy praktiese ervaring sluit waterstelselonderhoud, elektriese herstelwerk, gebou- en wooneenheidinstandhouding en ondersteuning aan inwoners in. Hennie is aanpasbaar, betroubaar en hulpvaardig, met plaaslike kennis en tegniese probleemoplossingsvermoë. Hy glo dat diensbaarheid begin by mense wat probleme raaksien en self help om dit reg te maak
“Ek glo Kgetlengrivier moet eers herstel en onderhou wat ons reeds het. My daaglikse werk met waterstelsels, elektrisiteit, geboue en inwoners het my geleer dat klein probleme vinnig groot krisisse word wanneer niemand betyds optree nie. Elke pomp, reservoir, kragpunt, straatlig en noodsaaklike onderdeel moet nagegaan, geregistreer en volgens ’n vaste onderhoudsprogram bestuur word. Diensspanne moet plaaslik beskikbaar wees en klagtes vinnig opvolg. Ek wil my praktiese kennis gebruik om oplossings te vind wat werk, sodat inwoners nie dae lank sonder basiese dienste en krag hoef klaar te kom nie.”
- Hennie Dercksen
Kies hieronder.
Choose below.