Heinz dien die afgelope vyf jaar as VF Plus-raadslid in die Mkhondo-munisipaliteit.
Hy is sedert 2003 ’n toegewyde partylid en beskik oor ’n NQF-vlak 6-sertifikaat in Munisipale Finansiële Bestuur.
Sy besondere sterk punt lê in die hantering van munisipale kwessies op makrovlak – finansiële bestuur, beleid, openbare deelname en die identifisering van sistemiese oorsake van diensleweringsprobleme.
Hy is veeltalig, tegnologies vaardig en aktief betrokke in sy gemeenskap.
Sy fokus is verantwoordbare bestuur, sterker openbare deelname en volhoubare oplossings wat verder strek as individuele klagtes.
“My sterkste bydrae as raadslid lê op makrovlak.
Ek wil nie net vandag se probleem oplos om môre dieselfde fout elders te sien nie – ek wil verstaan waarom die stelsel faal en die onderliggende oorsaak aanspreek.
Deur deeglike oorsig van finansies, beleid en administrasie, moderne tegnologie en sterker openbare deelname, werk ek daaraan om praktiese probleme nou op te los én die strukture te verbeter waarop ons munisipaliteit môre moet funksioneer.”
- Heinz Weber
Kies hieronder.
Choose below.