Gert Willem van den Berg praktiseer as prokureur in Kuruman en woon in Hotazel. Hy het ’n LLB-graad aan die Noordwes-Universiteit se Potchefstroomkampus verwerf, asook ’n Nagraadse Diploma in Boedelbeplanning aan die Universiteit van die Vrystaat. Hy spesialiseer in belastingreg, boedelreg, boedelbeplanning, trusts en litigasie. Sy grootste belangstelling bly egter boedelreg. Hy het ’n groot liefde vir die buitelewe, landbou, jag, die bewaring van Suid-Afrika se natuurlike erfenis en filosofie. Ervaring het hom bewus gemaak van die uitdagings waarmee gemeenskappe en belastingbetalers te kampe het, veral in die Joe Morolong-munisipaliteit.
“Ek glo dat ’n mens se karakter bepaal word deur die beginsels waarvolgens hy leef. Vryheid en verantwoordelikheid gaan hand aan hand. Elke kultuurgemeenskap dra ’n verantwoordelikheid om sy eie taal, tradisies en erfenis te bewaar en aan toekomstige geslagte oor te dra. Ek glo in respek vir die reg en dat ’n mens deur selfdissipline en verantwoordelikheid sy eie karakter vorm. Soos Plato gesê het: “Die eerste en grootste oorwinning is om jouself te oorwin.”
- Gert van den Berg
Kies hieronder.
Choose below.