Frans Potgieter is die VF Plus se burgemeesterskandidaat vir Kgetlengrivier en kandidaat vir wyk 3. Hy het aan Hoër Tegniese Skool Rustenburg gematrikuleer en ná diensplig as elektrisiën gewerk, waar hy sterk tegniese vaardighede en ’n praktiese werksetiek ontwikkel het. Frans was van 2016 tot 2021 Kgetlengrivier-raadslid en dien sedert 2021 in die Bojanala Platinum-distriksraad. Hy is ringskriba en skriba van sy plaaslike kerkraad. As gesinsman en plaasbewoner tussen Koster en Swartruggens fokus hy op landbou, dienslewering, verantwoordelike leiding en oplossings wat gemeenskappe prakties sterker en meer volhoubaar selfstandig maak.
As burgemeesterskandidaat wil ek Kgetlengrivier eenvoudig en meetbaar bestuur: geld eerste, betroubare water en elektrisiteit, bekwame personeel, funksionele diensspanne en eerlike openbare verslagdoening. My tegniese agtergrond en ervaring in plaaslike en distriksregering het my geleer dat planne net waarde het wanneer verantwoordelikhede, sperdatums en koste duidelik is. Elektrisiteitsinkomste moet beskerm en Eskom se huidige rekening betaal word. Elke dorp moet sy eie weeklikse dienstekaart hê. Inwoners moet kan sien wat verbeter en waar ingryping nodig is. Só herstel ons vertroue deur dissipline, praktiese uitvoering en volgehoue aanspreeklikheid vir elke gemeenskap.”
- Frans Potgieter
Kies hieronder.
Choose below.