Elsa Lourens is die VF Plus se burgemeesterskandidaat in Madibeng, ’n ervare raadslid en verteenwoordiger in die Bojanala Platinum-distriksraad. Haar jarelange raadswerk sluit finansiële toesig, geïntegreerde ontwikkeling, prestasiebestuur en openbare deelname in. Sy het die Universiteit van Pretoria se Uitvoerende Leierskapsprogram vir Munisipale Ontwikkeling met onderskeiding voltooi. Haar verdere munisipale opleiding dek risikobestuur, etiek, finansiële wetgewing en interne beheer. Elsa verstaan dat raadsbesluite slegs waarde het wanneer uitvoering gemeet en amptenare aanspreeklik gehou word. Sy bring institusionele geheue, vasberadenheid en kennis van plaaslike regering na Madibeng se herstel vir inwoners.
“As burgemeesterskandidaat glo ek Madibeng het nie nóg ’n plan nodig wat op ’n rak beland nie. Ons moet ’n finansiële herstel- en diensleweringsbeheersentrum vestig waar elke ingryping ’n verantwoordelike amptenaar, sperdatum, begroting en bewys van voltooiing het. Die raad behoort maandeliks ’n telkaart te ontvang oor kontantvloei, invordering, groot krediteure, infrastruktuurfoute en herstelwerk. Politieke ampsdraers moet toesig hou sonder om administrasie of verkryging te kaap. My ervaring leer my dat volhoubare herstel in Madibeng begin wanneer prestasie eerlik gemeet, risiko’s vroeg raakgesien en aanhoudende versuim met gevolge aangespreek word.”
- Ella Lourens
Kies hieronder.
Choose below.