Chris Conradie is ’n jarelange inwoner van wyk 25 en ’n VF Plus-kandidaat in Potchefstroom. Sy uiteenlopende loopbaan sluit weerkunde, rekenaartegnologie, batebestuur en onderwys in. Hy het die eerste elektroniese weerstasie in Suid-Afrika ontwerp, AngloGold se batebestuurregister ontwikkel en ’n meestersgraad met lof aan die Noordwes-Universiteit behaal. Chris was 17 jaar lank ’n Inligtingstegnologie-onderwyser by Potchefstroom Gimnasium. Hy dien tans as ondervoorsitter van die GPF en voorsitter van die PSID-kameraprojek. Hy is ook ervare in omgewingsopruiming, herwinning, veiligheid en praktiese gemeenskapsdiens en het ’n diep verbintenis tot sy wyk.
“Ek woon reeds 40 jaar in wyk 25 en wil sien dat ons omgewing weer ordentlik bestuur word. My ervaring in tegnologie, batebestuur, onderwys en gemeenskapsveiligheid het my geleer dat probleme met goeie data, beplanning en volgehoue opvolg opgelos kan word. JB Marks benodig ’n volledige infrastruktuurregister, vaste instandhoudingskedules en duidelike verantwoordelikheid vir elke munisipale bate. Ek wil ook sterker samewerking tussen die munisipaliteit, GPF, kameranetwerke en inwoners bevorder. Met meetbare teikens en eerlike terugvoer kan ons verval stuit en wyk 25 sigbaar herstel met volhoubare resultate vir elke inwoner.”
- Chris Conradie
Kies hieronder.
Choose below.